​Отырарда "Арыс жағалауы" саябағы ашылды

0
2 478

Отырар ауданын Сырдария мен Арыс өзені кесіп өтеді. Қазақ ақындарының жырына арқау, композиторлардың шабытын қозғап әнге айналған қос өзен отырарлықтардың мақтанышы. Шәуілдірді аралап өтіп, Дарияға құятын Арыс өзенінің жағалауын абаттандыру жұмысы аяқталып, тұрғындардың демалыс аймағына айналды.


​Отырарда

Бүгін Қазақстан Республикасы Тәуелсіздігінің 27 жылдық мерейтойына орай Түркістан облысы Отырар ауданы Шәуілдір елді мекенінде "Арыс жағалауы" саябағы және Кеңес Одағының батырлары мен Ұлы Отан соғысы ардагерлеріне арналған мемориалды кешен ашылды, деп хабарлайды ERNUR.KZ.

Салтанатты шараға Түркістан облысы әкімінің орынбасары Төлеген Сәрсембаев пен Отырар ауданының әкімі Ерлан Айтаханов, ауданның зиялы қауым өкілдерімен батыр С.Әшіровтың жұбайы әже қатысып, лентасын қиды.

- Бүгін біз 16 желтоқсан – Қазақстан Республикасының Тәуелсіздік күні қарсаңында салтанатты түрде ашып тырған мемориалдық кешен – қан майданда толарсақтан саз кезкен майдаргерлерге құрмет деп білеміз. Бұл күндері сол ескірмес естеліктер, көзі тірі ардагер – ақсақалдардың жүрегін мазаласа, сұм соғыс салған қанды қырғын жайлы тек ардагерлер аузынан естіп білген кейінгі жастардың да жанын толқытады. Отанға, туған жерге, елге деген сүйіспеншілік мыңдаған қазақстандықтардың тұла бойынан жалындап тұрды. Бүгінгі ардагер – кешегі жауынгер. Ол кезде небәрі 19-20 жастағы азаматтар ата-бабасының батылдығын, батырлығын, ержүректігін бойына сіңіріп өскен қазақ жауынгерлері, батыр ағаларымыз, жастығына қарамай бір қиырда жан алысып, жан берісіп, кескілескен ұрыстарға қатысып, керемет ерліктер жасады. Баршаңызды Ел Тәуелсіздігінің 27 жылдығымен және бүгінгі тарихи нысандардың ашылуымен құттықтаймын!, - деді облыс әкімінің орынбасары Төлеген Сәрсембаев.

Нысанның мақсаты - өзен жағалауын судың бұзуынан сақтау, әрі жаяу жүргіншілер серуендейтін саябақ орната отырып аудан тұрғындары жадына мәңгілік тарихи тұлғалар бейнесін дәріптеу болып табылады.

- Арыс жағалауы" саябағы төрінде отырарлық қос қаһарман, Кеңес Одағының батырлары Сейітқасым Әшіров пен Темірбек Ибрагимовтардың ат үстіндегі ескерткіштері орнатылған. Ал ескерткішті айнала екінші дүниежүзілік соғысына аттанған 3866 отырарлық майдангердің есімдері мәрмәр тақтаға ойылып жазылған. Қос батырдың бірі жаяу әскер қатарында, екіншісі барлаушы болып майданға кірген. Ескерткіштегі батырлардың атүстінде жасалу себебі, ержүрек бабаларымыз ғасырлар бойы сыртқы жауына ат үстінде жүріп тойтарыс беріп елін, жерін қорғаған. Отырарлық қос батырымыз ұлы бабалардың ұрпағы әрі заңды жалғасы. Елбасымыз Нұрсұлтан Әбішұлы Назарбаевтың «Ұлы даланың жеті қыры» атты мақаласында да атқа міну мәдениеті туралы айрықша сөзі бар. Жаужүрек бабалар біздің мақтанышымыз, ұрпақтың мақтанышы. Олардың есімдері мәңгілік ел есінде сақтала бермек, -деді аудан әкімі Ерлан Айтаханов.

Салтанатты жиыннан соң Отан үшін от кешіп, құрбан болған боздақтарға арнап ас беріліп, Құран бағышталды.

Дереккөз: Отырар ауданы әкімінің баспасөз қызметі