Іс-шара «Болашаққа бағдар: рухани жаңғыру» бағдарламасы аясында және Түлкібас ауданының 90 жылдық мерекесіне орай өткізілді.
Түркістан облысы Түлкібас ауданында «Сырласым – жеңгем» атты аудандық байқау болып өтті, деп хабарлайды ERNUR.KZ тілшісі аудандық Мәдениет бөліміне сілтеме жасап.
«Болашаққа бағдар: рухани жаңғыру» бағдарламасы аясында және Түлкібас ауданының 90 жылдық мерекесіне орай аудандық мәдениет үйінде «Сырласым – жеңгем» атты аудандық байқау өтті.
«Байқаудың басты мақсаты – жеңге мен қайынсіңілі, ене мен келін арасындағы сыйластық бір-біріне деген ілтипат, үлкенді сыйлау, келінді аялау, отбасының беріктігі мен жылылығын сақтау, отбасындағы тәрбиеде жіберіліп жатқан кемшілік тұстарын қалыпқа келтіру. Атадан балаға мұра етіліп келе жатқан әдеп-ғұрыпымызды, салт-дәстүрімізді, тілімізді, дінімізді сақтау әрі насихаттау», болып табылады дейді ұйымдастырушылар.
Байқауға ауыл округтерінен бес үміткер қатысып, өз өнерлерін көрсеті. Сондай-ақ байқауға қазылар алқасы сайланып, әділ бағасын берді. Аудандық әжелер алқасының төрайымы Гүлбүбі Ешенқұлова марапат иелерін құттықтап, аудандық мәдениет үйінің арнайы дипломдары мен бағалы сыйлықтарын табыстады.
![Қазақстанда](/assets/thumbnails/f2/f2cad61470e5aea8e5b53e70a6199c4b.jpg "Қазақстанда "Наурыз" атты жаңа тұрғын үй бағдарламасы іске қосылады")
