ТҮРКІСТАН: Арыстықтар білікті дәрігер мамандарға тексеріліп жатыр

0
107

Арыста «Денсаулық жолы» республикалық шарасы өтуде.


ТҮРКІСТАН: Арыстықтар білікті дәрігер мамандарға тексеріліп жатыр

Арыс қаласының жүздеген тұрғыны «Денсаулық жолы» республикалық шарасы шеңберінде білікті дәрігерлерге қаралуға мүмкіндік алды, деп хабарлайды ERNUR.KZ.

Түркістан облысында «Денсаулық жолы» республикалық шарасы өтуде. Ауқымды шара Түркістан облыстық қоғамдық денсаулық басқармасы мен облыстық салауатты өмір салтын қалыптастыру орталығының ұйымдастыруымен жүзеге асты.

Арыс тұрғындары терапевт, эндокринолог, офтальмолог, педиатр, онколог, психологқа қаралып, ЗОЖ мамандары мен Міндетті әлеуметтік медициналық сақтандыру мәселесі бойынша кеңес алуда.
5 тамыздан 9 тамыз аралығында барлық аудан, қалаларда жыл сайынғы өтетін республикалық «Денсаулық Жолы» акциясы өтеді. «Денсаулық жолы» ұлттық бағдарламасының негізгі мақсаты болып тұрғындардың денсаулығын тұз, қант, майлар (майлар, трансмайлар) жоғары мөлшері бар тағамдарды шектеу немесе қолданбау денсаулыққа пайдасы туралы хабарлау, дененің артық салмағы, семіздік қаупін төмендету мен жұқпалы емес аурулардың алдын-алу үшін тұрғындарды салауатты өмір салты негіздеріне үйрету арқылы өз денсаулықтарын сақтау мен нығайту. Түркістан облысының тұрғындарына арнайы медицина мамандарынан құралған мобильді топ медициналық, профилактикалық кеңестер береді. Онколог, офтальмолог, эндокринолог және т.б. дәрігерлерден құралған жылжымалы медициналық кешен шалғай ауылдық елдімекендерге шығады. Сонымен бірге әлеуметтік медициналық сақтандыру бойынша да мәлімет алуға болады.

Айтар жаңалығыңыз, бөлісер оқиғаңыз болса, +77752327733 whatsapp нөміріне жіберіңіз

Пікір қалдыруыңыз үшін сайтқа кіруіңіз қажет