Sputnik-v мен Kazcovid-in вакциналарының 15 925 дозасы салынып үлгерген.
Түркістан қаласына коронавирусқа қарсы күреске 800 доза "Hayat-vax" вакцинасы жеткізілді, - деп хабарлайды ERNUR.KZ.
Қазіргі уақытта Түркістан қаласындағы арнайы құрылған 10 нүкте мен жылжымалы 2 нүкте арқылы ерікті түрде және тегін вакцинациялау жүріп жатыр. Бұдан алдын әкелінген Sputnik-v мен Kazcovid-in вакциналарының 15 925 дозасы салынып үлгерген. Оның I компонентін - 11985 адам, II компонентін - 3940 адам ектірген. Қала тұрғындары жұмыс күндері, 9:00-20:00 аралығында ерікті түрде тегін екпе салдыра алады. Екпе егу орындарының мекен-жайлары мен байланыс нөмірлерін қала әкімдігінің ресми парақшалары арқылы білуге болады.
