Тазалық шарасына ауылдық округтер де біркісідей атсалысып, ауыл-аймақты күл-қоқыстан тазартып, ауыл ішіне ағаш көшеттерін екті.
Ордабасыда тазалық акциясы аясында 500-ден астам ағаш отырғызылды, деп хабарлайды ERNUR.KZ.
Ордабасы ауданының орталығы Темірланда «Ағаш ек, гүл ек – туған жерді түлет» ұстанымымен тазалық акциясы өтті. Іс-шараның мақсаты – тұрғындарды өңірлердің экологиялық жағдайын жақсартуға біріктіру. Осындай шараларға табиғатқа жанашыр ұрпақты тарту жұртшылық арасында экологиялық сананы арттыруға, осындай экологиялық бастамаларды дамытуға мүмкіндік береді.
Аудан әкімдігінің ұйымдастыруымен өткен акцияға әкімдікке қарасты барлық мекемелер мен ұжымдары қатысып, белгіленген орындарға көшеттер отырғызды.
Сондай-ақ тазалық шарасы барысында Темірлан – Шымкент автожолының Арыс өзені бойындағы жол жағалауына тал егілді. Жалпы акция аясында 50-ден астам мекеме қызметкерлері аудан орталығына 550 түп терек көшеттерін отырғызды.
Тазалық шарасына ауылдық округтер де біркісідей атсалысып, ауыл-аймақты күл-қоқыстан тазартып, ауыл ішіне ағаш көшеттерін екті.
