ТҮРКІСТАН: Полицейлер айналымда жүрген 11,5 келі есірткіні тәркіледі

0
306

Есірткі сатумен айналысқан Төлеби және Ордабасы аудандарының тұрғындары ұсталды.


ТҮРКІСТАН: Полицейлер айналымда жүрген 11,5 келі есірткіні тәркіледі

иллюстрациялық фото: ашық дереккөзден

Түркістан облысы Полиция департаменті есірткіге қарсы күрес басқармасы қызметкерлерінің жүргізген жедел-алдын алу іс-шарасы аясында жылдың басында 70-ке жуық есірткіқұқықбұзушылығы мен қылмыстарын, соның ішінде 12 есірткі сату және көп мөлшерде есірткі затын сақтаудың 7 дерегін анықтады, деп хабарлайды ERNUR.KZ.

Полицейлермен заңсыз айналымдағы 11,5 кг-нан асатын есірткі затын тәркіледі.

Атап айтқанда, 2019 жылдың қаңтар айында ТО ПД ЕБҚКБ-на Төлеби ауданының тұрғыны марихуана сатумен айналысатыны туралы хабарлама келіп түскен. Жедел-іздестіру іс-шарасы барысында полицейлер есірткі сатқан күдіктіні ұстады. Заттай айғақ ретінде салмағы 40 грамнан асатын марихуана тәркіледі.

ТО ПД-нің полицейлері Ордабасы ауданынан есірткі сатудың тағы бір жайтын анықтады. Жедел іс-шарасы барысында ЕБҚКБ қызметкерлері есірткі сатады деген күдікпен жергілікті тұрғынды ұстады. Жедел уәкілдер заттай айғақ ретінде жалпы салмағы 50 грамнан аса марихуананы тәркіледі.

Қазіргі уақытта аталған жайтқа ҚР ҚК 297-бабы «Есірткі, психотроптық заттарды, сол тектестерді өткізу мақсатында заңсыз дайындау, қайта өңдеу, иемдену, сақтау, тасымалдау, жөнелту не өткізу» бойынша сотқа дейінгі тергеп-тексеру жүргізілуде. Күдіктілер қамауға алынды. Полицейлер ұсталғандардың басқа да қылмыстарға қатыстылығын анықтауда.

Дереккөз: ТО ПД Баспасөз қызметі


Айтар жаңалығыңыз, бөлісер оқиғаңыз болса, +77752327733 whatsapp нөміріне жіберіңіз

Пікір қалдыруыңыз үшін сайтқа кіруіңіз қажет