ТҮРКІСТАН: Сайрамда 900 жұмыс орны ұсынылды

0
68

Аудан бойынша жұмыс берушілер бос жұмыс орындарына шақырып отыр.


ТҮРКІСТАН: Сайрамда 900 жұмыс орны ұсынылды

Биыл Сайрам ауданында 7339 азамат «Еңбек» мемлекеттік бағдарламасын іске асыру аясында жұмысбасты болмақ. Ағымдағы жылдың бірінші тоқсанында оның 1864-і жұмыспен қамтылды, деп хабарлайды ERNUR.KZ.

Бұған дейін бос жұмыс орындарының жәрмеңкесі ұйымдастырылатын. Алайда, коронавирус індетінен сақтану мақсатында адам шоғырын болдырмау аса маңызды.

Сондықтан Түркістан облысы жұмыспен қамтуды үйлестіру және әлеуметтік бағдарламалар басқармасының басшысы Әсия Темірбаеваның тапсырмасына сәйкес Сайрам ауданында мониторингтік топ құрылып, ауыл-ауылда түсіндіру жұмыстарын жүргізе бастады.

Бұл туралы Сайрам ауданы әкімдігінің жұмыспен қамту орталығының басшысы Нұрлан Сарыбеков түсіндіріп өтті.

– Қазір мониторингтік топ аудан тұрғындарын жұмысқа тарту мақсатында мемлекеттік бағдарламаның "Қысқа мерзімді оқыту", "Бизнес бастау", "Жастар практикасы" бағыттарын түсіндіруде. Қысқа мерзімді кәсіптік оқыту бойынша жыл басынан бері 492 азамат оқуға ниет білдірді. Сол азаматтардың құжаттары жинақталып, дайындалуда. Бұдан бөлек, аудан көлемінде 234 жұмыс беруші 900 бос жұмыс орнына ваканция жариялады, – дейді Н.Сарыбеков.

Мониторингтік топ бір апта Қарасу, Манкент ауылдық округінде жұмыс істеді. Бұл жұмыстар басқа да ауылдық округтерде жалғасын табады.

Пікір қалдыруыңыз үшін сайтқа кіруіңіз қажет