60-қа жуық шахматшы қатысып, шеберліктерін танытты.
Шахматтың классикалық сайысынан ерлер мен әйелдер арасында Түркістан облысының чемпионаты өтті, деп хабарлайды ERNUR.KZ.
Кентау қаласындағы Жастар орталығында шахматтың классикалық сайысынан ерлер мен әйелдер арасында Түркістан облысының чемпионаты өтті. Ақыл-ойды дамытатын спорт түріне облыстың барлық аймақтарынан іріктелген 60-қа жуық шахматшы қатысып, шеберліктерін танытты.
Облыс чемпионатында жүлде алған спортшылар мамыр айында Ақтөбе қаласында өтетін кезекті Қазақстан чемпионатына жолдама алып, республикалық сайыста бақтарын сынайды. Шахматтан Түркістан облысының аға бапккері Асхат Майкотовтың айтуынша, болашағынан мол үміт күттіретін түркістандықтар қатарында Әсия Асылхан, Әселай Сейдулла, Абылай Тастабек, Еркебұлан Ерболатұлы, Медет Қанжарбайлар бар.
Атап өтсек, бүгінде Түркістан облысының дене шынықтыру және спорт басқармасының басшысы Қанат Жолдықараев жастар арасында шахмат спортының дамуына ерекше көңіл аударып келеді.
