ТҮРКІСТАН: Шардаралық жастар мақтааралдықтарға марафон-эстафета жолдады

0
556

Облыс және аудан өнерпаздары патриоттық әндер шырқап, көпшілікке көтеріңкі көңіл-күй сыйлады.


ТҮРКІСТАН: Шардаралық жастар мақтааралдықтарға марафон-эстафета жолдады

Шардарада «Адал жолды таңдаймыз» атты марафон-эстафетасы өтті, деп хабарлайды ERNUR.KZ тілшісі.

Шардара жағалауында өткен жастар марафон-эстафетасында қонақтар ауданның тарихымен, мұражай жәдігерлерімен, қылқалам шеберлерінің туындыларымен танысудан бастап, іс-шара аясында ұйымдастырылған футбол, волейбол, балық аулау, суда жүзу және желкенді қайық сынды спорт түрлерінен жарыстарға ұласты.

«Сыбайлас жемқорлық – бүгінгі қоғамымызды діңгегінен кеміріп отырған қауіпті індет. Бұл індетпен бірігіп күреспесек қоғамның, экономиканың дамуы тежеледі, тоқтайды. Жемқорлықпен күреске мемлекетіміз үлкен көңіл бөліп, қыруар қаржы қарастырып отыр», - деген аудан басшысы Қайрат Жолдыбай елді жемқорлықтың кез-келген көрінісіне бей-жай қарамауға шақырды.

Сонымен қатар, аудан спортшылары мен ұстаздарының, дәрігерлер мен фермерлердің автошеруі ұйымдастырылып, спорттық көріністер көрсетілді.
Облыс және аудан өнерпаздары патриоттық әндер шырқап, көпшілікке көтеріңкі көңіл-күй сыйлады.
Іс-шара соңында 17-31-шілде аралығында Шардара ауданында өткен жастар марафон-эстафетасының туы мен фотоальбомы Мақтаарал ауданына табыс етілді.


Айтар жаңалығыңыз, бөлісер оқиғаңыз болса, +77752327733 whatsapp нөміріне жіберіңіз

Пікір қалдыруыңыз үшін сайтқа кіруіңіз қажет