ТҮРКІСТАН: Төлебиде өрт қауіпсіздігінің алдын алу шаралары өткізілді

Түркістан облысы, Төлеби ауданында тетенше жағдайдың алдын алу мақсатында «Айым» балабақшасында оқу-жаттығу ұйымдастырылды, деп хабарлайды ERNUR.KZ.

Төлеби ауданы әкімінің 2019 жылға «Аудан аумағында орналасқан шаруашылық нысандарында кешенді және нысандық оқу жаттығулар» өткізу жоспарына сәйкес, бүгін 15 тамыз күні Қаратөбе ауылдық округіне қарасты «Айым» балабақшасында «Өрт қауіпсіздік ережелерін сақтау және өрт орын алған жағдайда персоналдың іс-қимылы» тақырыбында нысандық жаттығу өтті.

Нысандық жаттығу аясында «Айым» балабақшасының басшы құрамы мен тәрбиешілері 4 топқа әр-түрлі тақырыптарда балалар үшін – ойындар өткізіп, қоршаған ортадағы қауіпсіз жүріс-тұрыс жөніндегі ертегілер мен балаларға арналған кітаптарды тыңдауды ұйымдастырды.

Ашық сабақтар соңында «ӨРТ ДАБЫЛЫ» беріліп балаларды ғимараттан қауіпсіз жерге іс-жүзінде көшіру шаралары пысықталды.

Балабақша ұжымы нысандық жаттығуға сапалы дайындалып ауданның Төтенше жағдайлар сала мамандарынан төтенше жағдайларға «ДАЙЫН» деп бағаланды.