​ТҮРКІСТАН: Түлкібас ауданы алма бауын 100 гектарға арттырады

0
2 688

2018 жылы аудан көлемінде рекордтық өнім 25 мың 150 тонна алма өндірілген.


​ТҮРКІСТАН: Түлкібас ауданы алма бауын 100 гектарға арттырады
Түлкібас ауданында биыл алма бауының көлемі 100 гектарға артады, деп хабарлайды ERNUR.KZ.

Түркістан облысы Түлкібас ауданында алма бау көлемін арттыру жылдан жылға қарқын алып келеді. Биыл ауданда жеміс-жидектің көлемі 3335 гектарды құрап отыр.

Мемлекетік бағдарламаға сәйкес, 2001-2019 жылдар аралығында отырғызылған алма бау көлемі 2578 гектарға жеткізілсе, 2018 жылы аудан көлемінде рекордтық өнім 25 мың 150 тонна алма өндірілген. 2019 жылы ауа райының қолайсыздығына байланысты бұл көрсеткіш 20 000 тоннаны құрады.

2020 жылы 100 га жерге алма отырғызу жоспарланса, бүгінгі таңда 78 га жерге алма бауы отырғызылып, тиісті күтім жасалып жатыр. Жалпы биылғы жылға жоспарлаған 100 гектар алма баудың 50 гектары қарқынды бау болмақ.
Сондай-ақ, алма өнімін қыс мезгілінде сақтау мақсатында ауданда бүгінгі таңда 6 қойма жұмыс істеуде. Жалпы қоймалардың сиымдылығы 8900 тоннаны құрап отыр.