ТҮРКІСТАН: Түлкібастық диқандар алғашқы өнімдерін жинауды бастады

0
193

Жұмыс орындары да көбейген.


ТҮРКІСТАН: Түлкібастық диқандар алғашқы өнімдерін жинауды бастады

Түлкібас ауданында бір жерден екі-үш өнім алуға ниет білдірген шаруалар алғашқы өнімдерін жинап жатыр, деп хабарлайды ERNUR.KZ.


Түлкібас ауданында биыл бір жерден екі-үш өнім алуға ниет білдірген 185 шаруа қожалықтың біршамасы алғашқы өнімдерін жинауда. Қазіргі таңда бірінші өнім ретінде аймақтағы шаруашылықтар 250 тонна картоп, 1,3 мың тонна қияр, 1,1 мың тонна сәбіз, 500 келі сарымсақ, 500 келі тонна баялдыр, 800 келі аскөк жиналған.


Сондай-ақ, Жаскешу ауылындағы «Ерсары» шаруа қожалығы жалпы көлемі 9 га жердің 3 гектарына пияз, 1 гектарына қызанақ, қалған 5 гектар жерге қияр екен. Қожалық өкілі Рахым Төлепбергеновтың айтуынша, бұл кәсіп әкелерінен қалған мұра. Ағайынды төрт жігіт бүгінде шаруа қожалықтың жұмысын өрге домалатып отыр. Қазіргі таңда қиярдың бірінші өнімін теру науқаны аяқталуға жақын. Жиналған картоптың орнына қиярдың күзгі түрін егеді. Негізгі өнімі қияр болғандықтан, осы көкөніске баса назар аударған. Жиналған өнімдердің барлығы консервілеуге жіберіледі.


Ал, қызанақ пен пиязды жергілікті тұрғындар тұтынады. Бір жерден бірнеше өнім алу жобасын тиімді пайдаланып келе жатқан қожалық бүгінде 10-нан аса адамды жұмыспен қамтып отыр. Теру маусымы кезінде жұмысшылар саны одан да артады.