«TEXNOPARK» жауапкершілігі шектеулі серіктестік орталығының жұмысымен танысты.
Түркістан жастары Өзбекстанда тәжірибе алмасты, деп хабарлайды ERNUR.KZ.
Облыс әкімі Дархан Сатыбалдының тапсырмасына сәйкес, көршілес мемлекеттермен тәжірибе алмасу мақсатында, Түркістан облыстық қоғамдық даму басқармасының «Жастар ресурстық орталығы» КММ-нің басшысы Ернар Бектаев бастаған топ іссапармен Өзбекстан Республикасы, Ташкент қаласына барды.
Шара аясында «TEXNOPARK» жауапкершілігі шектеулі серіктестік орталығының жұмысымен танысты.
Орталықтың негізгі мақсат – импортты алмастыратын өнеркәсіп өнімдерін, құрылыс материалдары мен тұрмыстық техниканы кең ауқымда өндіру бойынша өндірісті ұйымдастыру, сондай-ақ жаңа жұмыс орындарын ашу. Жоғары технологиялық, бәсекеге қабілетті, экспортқа бағдарланған және импортты алмастыратын өндірістерді құру бойынша алға қойған міндеттерін іс жүзінде жүзеге асыруға бағытталған 20-ға жуық жоба біріктірілген.
Сондай-ақ логистикалық орталықтың бірқатар кәсіпорындарын біріктірген ол 10 000 жасты жұмыспен қамтамасыз еткен “TEXNOPARK” Орталық Азиядағы ең қуатты, перспективалы және бәсекеге қабілетті өндірістік кешенге айналып үлгерген.
