Облыстық және жергілікті бюджеттерден 208 млн 63 мың теңге қаралған.
Жетісай ауданы Жаңа ауыл ауылдық округінің ішкі көшелерінің жалпы ұзындығы 70,5 шақырымды құрайды, оның 45,2 шақырымы асфальт болса, 15,3 шақырым көшеге тас төселген, деп хабарлайды ERNUR.KZ.
Биыл 2019 жылы Жаңа ауыл округінің 15,2 шақырымды құрайтын 11 көшесін орта жөндеуден және ұзындығы 1,7 шақырымды құрайтын 1 көшеге тас төсеуге облыстық және жергілікті бюджеттерден 208 млн 63 мың теңге қаралып, тиісті жұмыстар жүргізілуде.
Жаңа ауыл ауылдық округінің әкімі Нұрлыбек Бахтияровтың бастамасымен ескі көшелерден қырып алынған тастар іске асырылуда екен.
«Жаңа асфальт төселерден алдын ескі асфальтты 5 сантиметрдей қырып алады. Кейін барып жаңа асфальт төсейді. Біздер сол ескі асфальттардың бетінен қырып алынған тастарды да тиімді пайдаланудың жолын таптық. Ол тастарды қазір ауыл ақсақалдарымен кеңесіп мүлдем тас төселмеген топырақ көшелерге төсеп жатырмыз. дейді округ әкімі Нұрлыбек Бахтияров
Одан бөлек Жетісай ауданына қарасты Ынтымақ ауылында бүгінгі таңда ұзындығы 13 шақырымды құрайтын 9 көшеге 183 млн теңгеге асфальт төселсе, 3 көшеге тас төсеу жұмыстар жүргізіліп келеді.
Жетісай аудандық жолаушылар көлігі және автомобиль жолдары бөлімінің басшысы Нұркен Әлмештің айтуы бойынша 2019 жылы Жетісай ауданының автомобиль жолдарының күрделі, орта және ағымдағы жөндеу жұмыстарына 3 млрд теңгеге жуық қаржы қаралып, 136 шақырым жолдар жөндеуден өткізііп жатыр.
