ТҮРКІСТАН: Жетісайлық диқандар 77 мыңнан астам гектар жерге егін егеді

0
407

Жетісай ауданында көктемгі дала жұмыстары басталды.


ТҮРКІСТАН: Жетісайлық диқандар 77 мыңнан астам гектар жерге егін егеді

Түркістан облысы, Жетісай ауданының шаруалары 77 мың 274 гектар жерге егін егуді көздеп отыр, деп хабарлай ERNUR.KZ.

Түркістан облысы Жетісай ауданында көктемгі дала жұмыстары қарқын алды. Бүгіннің өзінде ауданда 40 мың 310 гектар жер тырмаланған. Енді бірер күнде мақта егу жұмыстары басталады. Болжам бойынша, биыл жетісайлық диқандар 45 мың гектар жерге ақ алтын дән себуді жоспарлап отыр.

Сондай-ақ аудандағы ерте егілген көкөніс көлемі 1417 гектарға жетіп отыр. Оның 1022 гектары қырыққабат, 13,5 гектары пияз, 2 гектары сарымсақ, 1,5 гектары қызылша, 98 гектары баклажан, 91 гектары балгар бұрышы, 105 гектары қызанақ, 84 гектары қияр, 33 гекетары картоп. Бұдан бөлек, ауданда 2446 гектарға жаңа жоңышқа, 4,5 гектар жерге жүзім егілген. Сондай-ақ, ерте егілген пленкалы қауын көлемі 8 мың 400 гектарға, ал қарбыз 3670 гектарға жетіп отыр.

Көктемгі дала жұмыстарын қарқынды жүргізуде Жылысу ауыл округі алда келеді. Мұнда бүгінде жалпы егілген егіс көлемі 9680 гектарды құрайды. Ал, Мақталы ауыл округінің диқандары 8385 гектар аумаққа егін ексе, алғашқы үштікті 8393 гектармен Атамекен ауыл округінің шаруалары аяқтады.


Айтар жаңалығыңыз, бөлісер оқиғаңыз болса, +77752327733 whatsapp нөміріне жіберіңіз

Пікір қалдыруыңыз үшін сайтқа кіруіңіз қажет