ТҮРКІСТАН: Жетісайлық кәсіпкер түнде жарық беретін орындық жасаумен айналысады

0
251

Бүгінде кәсіпкер 6 адамды тұрақты жұмыспен қамтып отыр.


ТҮРКІСТАН: Жетісайлық кәсіпкер түнде жарық беретін орындық жасаумен айналысады

Түркістан облысы Жетісай ауданында кәсіпкерлер қатары жыл санап артып келеді, деп хабарлайды ERNUR.KZ.

Олардың қатарында он саусағынан өнер тамған ұсталар да бар. Солардың бірі – Жетісай қаласының тұрғыны Закир Вайдаев темірден түрлі оюлы дүниелер жасап-ақ кәсібін дөңгелетуде.

Кәдімгі қазақы оюларды темірдің бетіне айнытпай орнатып беретін Закир бүгінде 6 адамды тұрақты жұмыспен қамтып отыр. Бұл кәсіпорын металдарды дәнекерлеп неше түрлі оюлармен безендірілген есіктер және тағы басқа да тұрмысқа қажетті бұйымдар жасаумен айналысады.

Жуырда олар ақылдаса келе түнгі қалаға сән беріп тұратын жарықшамдары бар орындықтар ойлап шығарыпты. Өздері ойлап тапқан дүниелерін таяуда облыс орталығында өткен «Түркістан өнімдері» атты облыстық тауар өндірушілер жәрмеңкесіне апарып, жүлделі орынды иеленіп қайтты.

Бұл жарықшамдарды жасауға небәрі 3 күн уақыт кетіпті. Бір ерекшелігі, орындықтар екі түрлі энергия көздерінен қуат алады екен. Оның бірі күн энергиясы, екіншісі адам денсаулығына зиянсыз тоқ көзі.

Кәсіпорын қызметкерлері алдағы уақытта мемлекет тарапынан қолдау көрсетіліп жатса, бұл игі бастаманы одан әрмен дамытып, жарықшамдары бар орындықтар және басқада бұйымдар жасайтын қосымша цех ашсақ деген ниетте.

Пікір қалдыруыңыз үшін сайтқа кіруіңіз қажет