Онда бірегей қолөнер бұйымдарын, ұлттық заттарымызды даярлайтын, жоғары сапалы қолөнер бұйымдарының технологиясын оқытатын ірі қолөнер орталығын салу жоспарда бар.
иллюстрациялық фото: ашық дереккөзден
Түркістан қаласында ірі қолөнер орталығы мен заманауи сауда кешені салынады, деп хабарлайды ERNUR.KZ тілшісі.
Бұл туралы Түркістан облыстық мәслихатының кезекті отыз жетінші сессиясында мәлім болды.
- Түркістан қаласында әлемде қайталанбайтын бірегей қолөнер бұйымдарын, ұлттық заттарымызды даярлайтын, жоғары сапалы қолөнер бұйымдарының технологиясын оқытатын ірі қолөнер орталығын салу жоспарда бар. Себебі, Түркістанда қолөнершілер әлеуеті зор, – деді облыс басшысы Өмірзақ Шөкеев.
Сондай-ақ, Ұлы Жібек жолының бойында орналасқан шаһардың қазіргі жағдайын ескере отырып заманауи сауда кешені ашылмақ. Бұл іске қаладағы сауданың жақсы дамығандығы және қаланың ортасынан «Батыс Еуропа-Батыс Қытай» магистралы өтетіндігі ескеріліп отыр.
