Түркістандық ғалымдар Елбасы мақаласын ерекше форматта сараптады

0
596

Университет оқытушылары Елбасы Түркістан қаласын Түркі әлемінің генезисі ретінде дамытып, оның халықаралық аренадағы беделін жүйелі түрде арттыру бағытындағы ойлары киелі шаһарға тың серпін беретінін айтты.


Түркістандық ғалымдар Елбасы мақаласын ерекше форматта сараптады

Кеше Ел Президенті Нұрсұлтан Назарбаев «Ұлы даланың жеті қыры» атты мақаласын жариялаған болатын. Қазақтың жүрегіне жол тауып, қоғамға ерекше әсер еткен мақаланы Түркістан жұртшылығы өте жылы қабылдады. Түркістан қаласындағы Қожа Ахмет Ясауи атындағы халықаралық қазақ-түрік университетінің музейінде ерекше форматта жиында оқытушылар мен студенттер, ғалымдар мен сарапшылар бұл мақаланың ел санасын сілкіндіретінін атап өтті, деп хабарлайды ERNUR.KZ.

Ерекше форматта дейтін себебіміз, бұл жиын әдеттегідей бір кабинетте емес, музейде ұйымдастырылды. Оқытушылар мен студенттер тарихи жәдігерлерді аралап жүріп, пікір алмасты. Жиында университет доценті Ляззат Динашева оқу ордасының музейінде Елбасының «Ұлы даланың жеті қыры» мақаласында айтылған дүниелер бар екеніне тоқталып, келушілерді тарихи жәдігерлермен таныстырды. Мәселен, Ұлы даланың ұлы есімдері, тұтас Түркі әлемінің ғұламасы —Ясауи бабамыз туралы құнды мәліметтер көпшілікті қызықтыратыны сөзсіз.

Университет оқытушылары Елбасы Түркістан қаласын Түркі әлемінің генезисі ретінде дамытып, оның халықаралық аренадағы беделін жүйелі түрде арттыру бағытындағы ойлары киелі шаһарға тың серпін беретінін айтты. Ал, «Архив-2025» бағдарламасы негізінде университеттегі зерттеу жұмыстары одан сайы жандана түспек.

Мақаладағы келелі мәселелерді жеке-жеке талдаған қатысушылар Елбасының бұл құнды дүниесі Түркістан облысы мен Түркістан қаласын дамытатынын, ондағы бастамалар ғылым мен мәдениеттің дамуына үлкен серпін беретінін жеткізді. Алдағы уақытта осы іргелі оқу ордасында ғылыми зерттеулер мен қазақ өркениетін танытатын үлкен жобалар қолға алынады деген жоспар бар.

Дереккөз: Түркістан облысы әкімдігінің баспасөз қызметі


Айтар жаңалығыңыз, бөлісер оқиғаңыз болса, +77752327733 whatsapp нөміріне жіберіңіз

Пікір қалдыруыңыз үшін сайтқа кіруіңіз қажет