Түркістандық жастар жолда қалған азаматтарға ас-ауқат таратты

0
657

Ақтөбе-Алматы бағытындағы жолаушылар поезді жолда тұрып қалған.


Түркістандық жастар жолда қалған азаматтарға ас-ауқат таратты

Түлкібастық жастардық ұйымдастыруымен жолда қалған жолаушыларға түскі ас таратылды, деп хабарлайды ERNUR.KZ.


Күні кеше Жамбыл облысында орын алған апат салдарынан Тараз-Алматы бағытындағы теміржол уақытша жабылғаны мәлім.


Осы орайда Түлкібас ауданы әкімдігінің ұйытқы болуымен және аудандық "Жастар ресурстық орталығы" КММ-нің қызметкерлерімен, ерікті жастар Түлкібас станциясында апат салдарынан түнгі сағат 23:00-ден бері аялдап тұрған Ақтөбе-Алматы бағытындағы жолаушылар поездінің 460 жолаушысына түскі ас таратты.


Сондай-ақ, мұндай игілікті істі Арыс қаласының азаматтары да ұйымдастырып, мыңнан астам адамға көмек көрсеткен.