Жаңа жылдық ОТШАШУ кезінде МҰНЫ білмегеніңіз жарамас

0
812

​Пиротехниканы қауіпсіз пайдалану жолдарын әсте естен шығармаған жөн.


Жаңа жылдық ОТШАШУ  кезінде МҰНЫ білмегеніңіз жарамас

Аз күндерден соң тағы бір жаңа жылдың есік қағып келері анық. Ал бұл мерекені отшашусыз елестету мүмкін емес. Әсіресе балалардың жаңа жылда асыға күтетін себебінің бірі сыйлық болса, екіншісі – отшашу. Ал бұрындары теледидардан ғана көретін неше түрлі отшашулар, бүгінгі таңда кез келген сауда орындарынан табылатын қолжетімді тауарға айналған. Сондай-ақ біршама уақыт алдын отшашулар тек үлкен мерекелік іс-шараларда қолданылса, қазіргі кезде туылған күн, үйлену, қызға ұсыныс жасау т.б жекеменшік мейрамдардың басты сәніне айналған. Алайда мереке сән қосатын, көңілге қуаныш сыйлайтын көздің жауын алар отшашуларды пайдалану кезінде жылда қаншама адам жарақат алып, күйіп қалып т.б түрлі жағдайларға тап болып жатады, әсіресе балалар.

Осындай келеңсіз жағдайларды болдыртпай, оның алдын алу үшін, пиротехниканы пайдаланғанда аса мұқияттылық пен сақтық таныту керек. Пиротехниканы пайдаланудағы сақтық шараларын біле жүріңіздер:

  • Отшашуды пайдалану үшін тұрғын үйден кемі 15 метр алшақтықты құрайтын алаңқай таңдап алыңыз. Отшашуды үйдің шатырынан, балкон немесе лоджиядан, сондай-ақ кез-келген үйге жапсарлас салынған үйдің бір бөлігінен, газ құбырлары мен машина және электр сымдары жүрген аумаққа да мүлдем ұшыруға болмайды;
  • Пиротехниканы пайдаланбас бұрын сыртқы түріне назар аударған дұрыс, яғни сыртқы тұрқында ешқандай жарық немесе мыжылған, майысқан жер болмауы тиіс. Сыртында жазылған нұсқаулықты міндетті түрде мұқият оқып шығу қажет;
  • Пайдаланылған пиротехниканың жанына келесісін апарып қоймаңыз. Екіншісін бірінші орыннан алшақ орналастырыңыз.
  • Отшашуды пиротехника қойылған жерден 30-40 метр алшақтықта, қауіпсіз аймақта тұрып тамашалаған дұрыс;
  • Білтесін қолды созып тұрып жағу керек немесе тұтанып тұрған бенгаль шамын пайдаланған жөн;
  • Кез-келген пиротехниканы қолда ұстап тұрып жағуға болмайды. Жерге немесе қарға мықтап орнатып алу керек.
  • Рим балауызын 3/2 бөлігін топыраққа қадап немесе қазыққа байлау керек. Бұл – оны жаққан кезде бағытын өзгертіп өзге жаққа шашырап қауіп туғызбас үшін қажет;
  • Батарея отшашулар – атылған кезде айналасында тамашалаушыларға зияны болмас үшін бұларды тастармен, кірпіштермен мықтап бекітеді;

  • Егер пиротехника жарылмаса 10 минут шамасында қасына жақындамаңыз. Іске аспай қалған пиротехникаға үңіліп қарамаңыз және ішін ашып көруге тырыспаңыз. Шелекке су құйып атылмай қалған бұйымды соған салып, сыртқа қалдырыңыз. Бір сөткеден кейін қоқысқа тастауға болады;
  • Ешуақытта пиротехниканы шыны құтыларға салып жарып көрмеңіз, бұл аса қауіпті;
  • Пиротехниканы жнып жатқан отқа тастауға болмайды;
  • Кез-келген пиротехникалық затты (бенгаль шамынан басқа) ашық аспан астында пайдалану керек;

Мұнан өзге пиротехниканы пайдаланғанда мүлде қолдануға болмайтын мына жайттарды ескеріңіздер:

  • Кез-келген отшашу бұйымын ұрғылауға, білтесінен ұстап шайқауға болмайды;
  • Қызық көріп балалардың қолына ұстатып қоюдан сақ болыңыз. 14 жасқа дейінгі балаларға жағуға рұқсат бермеңіз;
  • Қайта жасауға немесе қолдан жасауға тырыспаңыз;

Мереке шаттыққа толы көңілмен, әсем отшашумен өтсін!

Дайындаған: Эльмира Базарбаева,

ERNUR.KZ

Тағы оқыңыз:

Жаңа жылды көп шығындалмай тиімді қарсы алудың жолдары

Пікір қалдыруыңыз үшін сайтқа кіруіңіз қажет