Наурызда бұл елге 102 мың доза екпе жеткізілген.
ERNUR.KZ. Малавиде «АстраЗенека»-ның 19 мың 610 дозасы жойылды. Себебі олардың жарамдылық мерзімі 18 күнге асып кеткен, деп жазады 24.kz.
Негізі Дүниежүзілік денсаулық сақтау ұйымы мен Африкалық одақ «аталған вакциналарды шілде айының ортасына дейін қолдануға болады» деп қауіпсіздігіне кепілдік берген. Наурызда бұл елге 102 мың доза екпе жеткізілген. Бұған дейін оның 80 процентке жуығы тұрғындарға салыныпты.
Тағы бір африкалық мемлекет Оңтүстік Судан да жарамдылық мерзімі өтіп кеткен 59 мың доза препаратты қолданудан бас тартқан.
"Дүниежүзілік Денсаулық сақтау ұйымы жарамдылық мерзімі өтіп кетсе де вакцинаны қолдана аласыздар деді. Бірақ біз жарамсыз екпелерді салмауға шешім қабылдадық, себебі бұл біздің үкіметтің саясатына қарсы келеді", - Малави денсаулық сақтау министр, Кумбизе Кандодо Чипонда.
