45 жастағы әйел Доминикана республикасынан келген мигрант.
ERNUR.KZ. Испанияның сот тарихында алғаш рет әйел адам өмір бойы бас бостандығынан айыру жазасына кесілді, деп хабарлайды ktk.kz.
45 жастағы Ана Хулия Кесада Доминикана республикасынан келген мигрант. Ол көңілдесінің сегіз жастағы ұлын өлтірді деп айыпталған. Бала 2018 жылдың 27 ақпанында жоғалып кеткен. Ал Кесада болса оны елмен бірге іздеген.
Екі аптадан кейін полиция оның автокөлігінің жүксалғышынан баланың мәйітін тапқан. Ол баланың мәйітін өз үйінің аумағына көміп, кейін қазып алып, қайта жерлемек болған. Кесада енді баланың ата-анасының әрқайсына моральдық шығынды өтеп, сот шығындарын төлейді.
