Балаға тіл тигізіп, жерді сүйгізген бала-бақша меңгерушісінің басы дауға қалды (видео)

0
912

Әйел адам сәбиді балағаттап, тізерлеп жерді сүюге мәжбүрлеген.


Балаға тіл тигізіп, жерді сүйгізген бала-бақша меңгерушісінің басы дауға қалды (видео)

ERNUR.KZ. Ресейдің Краснодар қаласында балабақша меңгеруші бүлдіршінді басқа балалардың көзінше балағаттап, жерді сүйгізді, деп жазады Sputnik.kz.

Әйел адамның балаға тіл тигізіп жатқаны түсірілген видео желіде жарияланған.

Балабақша басшысы балаға "тізерле" деп айғалап, артынша өзі жұлқып, жерге отырғызды. Бейнежазбада әйелдің сәбиді "оңбаған, жексұрын" деп балағаттап жатқаны анық естіледі.

"Кубанские новости" басылымы жазғандай, оқиғадан кейін балабақша жұмысшысы қызметінен босатылатын болды. Бұл туралы Краснодар қаласы білім басқармасының директоры Алексей Некрасов хабарлапты.

Оның айтуынша, әйел адам жуық арада жұмыстан шығарылады.

"Меңгеруші өрескел қылық танытып, баланың намысына тиді, психикалық қана емес, физикалық қысым көрсетті. Осы әрекетімен басқа балалардың да намысын аяқ асты етті", — деп түсіндірді шенеунік.

Ал балабақша басшысы бүлдіршінді "бұзық бала" деп ақталған. Оның айтуынша, сәбиі "орыстарды және Ресейді жек көремін" депті.

Осы жайтқа қатысты полиция тексеріс бастады.




Айтар жаңалығыңыз, бөлісер оқиғаңыз болса, +77752327733 whatsapp нөміріне жіберіңіз

Пікір қалдыруыңыз үшін сайтқа кіруіңіз қажет