Ол коронавирус жұқтырғанын айтып, айқайлаған.
ERNUR.KZ. Мәскеу метросында Қытайда кең таралып жатқан қауіпті коронавирус індеті жөнінде әзілдеген тәжік азаматы Кароматулло Джабборовтың 7 жылға дейін сотталу қаупі тұр, деп хабарлайды ktk.kz.
Бұл жөнінде оның адвокаты Роман Шахматов хабарлаған.
"Оған тағылған "бұзақылық" бабын "алдын ала келісілген бұзақылық жасау" бабымен ауыстырды. Бұл бап бойынша айыпталушы қылмыс жасады деп саналады, 7 жылға дейін бас бостандығынан айырылуы мүмкін", - дейді айыпталушының адвокаты.
Ресей ІІМ мәліметінше, 2 ақпанда Мәскеу матросы станцияларының бірінде ер азамат ауырған сияқты болып құлаған. Ол коронавирус жұқтырғанын айтып, айқайлаған. Бұл жолаушылардың үрейін туғызған. Кейін бұл видео әлеуметтік желілерде кең тарап кетті. Соңғы мәліметтер бойынша Қытайда қауіпті індеттен 2 000 - ға жуық адам қайтыс болды.
