Коронавирустан қарайып кеткен қытайлық дәрігер ағара бастады

13.05.2020 14:16

580

Науқастың тересі біртүрлі қарайып кеткен. Кейін бұған гормондардың алмасуы себеп болғаны анықталды.

ERNUR.KZ. Коронавирус жұқтырып, денесі қарайып кеткен қытайлық дәрігер Ю Фанның денесі қалыпты түске келе бастады , деп жазады tengrinews.kz.

Дереккөз мәліметінше, дәрігер өткен аптада ауруханада шығарылды. 9 мамырда түсірілген суреттерден оның терісі ағарғаны көрінеді.

Осылайша, дәрігер коронавирустан толықтай айықты. Алайда жүргенде қозғалғанда кішкене қиналады екен. Сондай-ақ, дәрігердің айтуынша, ол соңғы күндері жаман түстер көп көретін болған.

Денесі қарайып кеткен әріптесі Ху Вейфенг болса әлі күнге дейін ауруханада ем алып жатыр. Оның коронавируспен күресіп жатқанына 100 күннен асыпты.

Еске салайық, Ю Фан және Ху Вейфенг Уханның орталық ауруханасында науқастарды емдеп жүргенде коронавирус жұқтырған. Олардың жағдайы қатты ауыр болған. Сырқатпен күресте экстракорпораль мембранды оксигенация әдісі (қанның оттекпен қанығу әдісі) көмектескен.Ем қабылдап жатқан дәрігерлер аурудан кейін күтпеген жағдайларға тап болған.

Ю Фан мен Ху Вейфенгтің тересі біртүрлі қарайып кеткен. Кейін бұған гормондардың алмасуы себеп болғаны анықталды. Дәрігерлердің айтуынша, бұл коронавирус бүкіл ағзаға тараған кезде бауырдың зақымдануынан болып отыр.