20 мың адам із-түзсіз жоғалып кеткен
ERNUR.KZ. Ливияда су тасқыны салдарынан қаза тапқандар саны 11,3 мыңға жетті, деп жазады azattyq-ruhy.kz.
Бұл туралы Associated Press ливиялық Қызыл Жарты Ай қоғамына сілтеме жасап хабарлады.
«Гуманитарлық ұйым тағы 20 мың адамның із-түзсіз жоғалып кеткендер қатарында екенін айтты. Оларды іздеу жұмыстары жалғасып жатыр», - делінген хабарламада.
Еске салайық, дүйсенбіге қараған түні Ливияның Дерна қаласында су тасқыны болды. Су тасқыны бүтін аудандарды шайып кеткен. Табиғат апатынан Дерна қаласы айрықша зардап шеккен. Биліктің мәліметінше, мұнда 6 мың адам із-түзсіз жоғалғандар санатында.
Аса қайғылы оқиғаға байланысты Ливия премьер-министрі Абдель Хамид Дбейба үш күндік ұлттық аза тұту күнін жариялады.
