Жылу индексінің алдыңғы рекорды қараша айында 59,7°C тіркелген болатын.
ERNUR.KZ. Бразилияның Рио-де-Жанейро қаласында күн 62,3 градусқа дейін ысыды. Бұны жергілікті синоптиктер сенсациялық рекорд деп отыр, деп жазады inbusiness.kz.
Ал елдің мемлекеттік ақпарат агенттігінің хабарлауынша, аптап ыстықтан сая іздеген жұрт жағажайлар мен бассейндерге ағылып жатыр.
Ипанема мен Копакабана жағажайлары адамдарға лық толды.
"Халық саны артып келеді. Орман ағаштары тұрғын үй құрылысына көптеп пайдаланылып жатыр. Ормандар азайып барады. Мен жағдайдың бұдан ары қарай ушығып кетуінен қорқамын", - деді Рио қаласы Орталық саябағының әкімшілік қызметкері Ракель Коррея.
Биліктің хабарлауынша, алдағы аптада елдің оңтүстігінде қатты нөсер жаңбыр жауады. Жылу индексінің алдыңғы рекорды қараша айында 59,7°C тіркелген болатын.
