Шопан 500 қойды жазғы жайылымнан айдап әкеле жатқанда, оларға жүк көлігі соғылған
ERNUR.KZ. Қырғызстанның Нарын облысында жүк көлігі бір отар қойды басып кетті. Оқиға жұмадан сенбіге қараған түні болған. Салдарынан 97 қой өлді, деп жазады Sputnik.kz.
Шопан 500 қойды Ат-Баши ауданындағы Арпа жазғы жайылымынан айдап әкеле жатқан. Жолдан өтер кезде бір отар қойды қатты жылдамдықпен жүйіткіген жүк көлігі басып кеткен.
Қойшы жүргізушінің үстінен арыз жазды. Құқық қорғаушылар сараптама жүргізіп жатыр.
Тәртіп сақшылары шопандарға түнгі уақытта көлік жүретін жолдармен мал айдау кезінде қауіпсіздік ережелерін сақтау қажеттігін үнемі ескертіп отырады. Бақташылар жарық шағылыстыратын жилет киіп, малдың жүргізушілерге көрінуін қадағалауы тиіс екен.
