Бұл тізімде Қазақстанның болуы мүмкін бе?
иллюстрациялық фото: ашық дереккөзден
Бүгінгі таңда әлемнің алпауыт елдері әлеуметтік-экономикалық тұрғыдан ғана емес, соғыс жағдайына дайындық, Қарулы күштердің қуаттылығы бойынша да жарысып келе жатыр. Тіпті, саяси астары мол мәлімдемелермен бір-біріне сес көрсетіп жататынын да байқаймыз. Әсіресе, екінші дүниежүзілік соғыстан кейін танктер көптеген өзгеріске ұшырады. Олардың дамуын Еуропа елдері, Ресей, Қытай, Оңтүстік Корея, Жапония және АҚШ жүзеге асыру үстінде. Ал, біз осынау соғыс көліктерінің ішінен ең мықты деп баға берілгендерін назарларыңызға ұсынбақпыз.
АҚШ: M1A2 Abrams (SEPv3)
Абрамс – 1979 жылдан бастап шығарылып келе жатқан танктің төртінші буыны. Ол озық функциялармен жабдықталған. Мысалы, Израиль өндірісінің "Трофи" белсенді қорғаныс жүйесімен, негізгі қаруы ретінде 120 мм тегіс ұңғылы m256a1 зеңбірегімен және әр түрлі снарядтармен жабдықталған.
Германия: 2a7 + Барс
Қырғи қабақ соғыс кезінде Барс пен Абрамс біртұтас Батыс германдық және американдық жоба ретінде жұмыс істеген. Бірақ уақыт өте келе екі елдің жолдары бөлініп, өздерінің соғыс көліктерін дербес дамытуға шешім қабылдаған.
Атап өтсек, Барс ең көп экспортталатын еуропалық танктердің бірі және американдық Abrams-тан кейінгі ең көп өндірілген Батыс көлігі. Бұл танктің де қарулары өзгелердікінен кем түспейді. Оған қоса, соңғы үлгісіндегі минаға қарсы қорғаныс жүйесі максималды түрде жетілдірілген.
Израиль: Меркава IVm Windbreaker
Израильдіктер танктерді дамыту тұрғысынан әлемдік көшбасшылар болып саналады және бірнеше ерекше әскери көліктер жасаған. Тіпті, американдықтардың өзі Израильдің «Trophy» қорғаныс жүйесін сатып алып, танктерін жабдықтайды. Ал, мына Меркава атты танкі қорғаныс жағынан американдық M1A2 және немістің Leopard 2-сінен де мықты.
Франция: Leclerc XLR
Ресейдің жаңа Т-14 Армата танкісі сияқты, француздың Leclerc-ін де үш адамнан тұратын экипаж басқара алады. 1991 жылдан бастап шығарылатын бұл көліктің салмағы шамамен 55 тоннаны құрайды. Осы жеңіл салмағының арқасында соғыс көлігі жылдамдығын үдетіп, асуларға оңай шыға алады және батпаққа тұрып қалу қаупін төмендетеді. Сол себепті Leclerc XLR қазіргі ұрыс алаңында ең мықтылардың қатарынан көрінуге мүмкіндік алып отыр.
Ұлыбритания: Challenger 2 CLEO
Британдықтар үшінші буынды бұл танкті төртінші стандартқа дейін жаңартып, ғажап зеңбірекпен жабдықтаған. Бүгінгі таңда негізгі ұрыс танктерінің көпшілігі тегіс ұңғылы зеңбіректерді қолданса, британдықтар мылтық сынды механизмге ие зеңбіректі қолдануды дұрыс деп санаған. Одан бөлек, бірнеше пулемет орнатылған танкті қашықтан басқаруға да болады.
Оңтүстік Корея: K2 Қара Пантера
Бір құны 8,5 миллион доллардан асатын әлемдегі ең қымбат әскери техниканың бірі. Одан бөлек, 2013 жылы ғана өндіріске енген Қара Пантера әлемдегі ең жаңа танктердің бірі болып саналады. Корей дизайнерлері бұл көлікті жасап шығарарда барлық заманауи жетістіктерді жүзеге асыра алған.
Тағы бір айта кетерлігі – K2 Black Panther оператордың қатысуынсыз-ақ нысандарды автоматты түрде анықтауға және атуға қабілетті. Сондай-ақ танктің гидропневматикалық суспензиясы әр тірек ролигінің аспалы түйіндерін автоматты түрде жеке басқаруды қамтамасыз етеді. Бұл жолсыз жерде жүргенде дірілді жоюға мүмкіндік береді.
Қытай: 99А
99А жауынгерлік танкін қытайлықтар ескірген 88 үлгісін жаңарту үшін жасап шығарған. 88 үлгісі 2001 жылдан бастап өндіріле бастаса, 99А танкісі 2011 жылдан бастап шығарылып жатыр. Осы уақытқа дейін дәл осындай 4000-нан астам танк шығарылып, ең көп өндірілген соғыс көліктерінің қатарына енген екен. Бір қызығы – бұл танктерді шетелге экспорттауға тыйым салынған. 99А-ның тағы бір ерекшелігі – ол әртүрлі оптикалық құрылғыларды істен шығаруға, жау зеңбіректері мен танкке қарсы зымырандардың операторларын «соқыр» етуге қабілетті лазерлік кешенінің болуы.
Ресей: Т-14 Армата
Жаңа Т-14 техникасы – әлемдегі ең мықты танктердің бірі болып саналатын, төртінші буынның жаңа көлігі. Салмағы шамамен 55 тоннаны құрайтын танк 125 мм калибрлі 2а82-1М тегіс ұңғылы зеңбірекпен және көмекші қару-жарақ ретінде 300 патронды 12,7×108 мм картриджі бар "Корд" пулеметімен жабдықталған. Одан бөлек, алып техникаға 7,62×54 мм калибрлі "Печенег" немесе 1000 патроны бар ПКТМ пулеметі орнатылады.
Сондай-ақ, "Армата" көлігі қорғаныс жүйесімен жабдықталған. Техниканы үш адамнан тұратын экипаж басқара алады. Т-14 қуаты 1500 ат күшіне тең дизельді қозғалтқышы арқылы 2000 сағат жұмыс істеуге жарайды.
Әлемде соғыс болмасын!
Дайындаған: Б.Мейірханұлы,
Тағы оқыңыз:
Жапонияда ҰШАТЫН мотоцикл САТЫЛА БАСТАДЫ
![Қазақстанда](/assets/thumbnails/f2/f2cad61470e5aea8e5b53e70a6199c4b.jpg "Қазақстанда "Наурыз" атты жаңа тұрғын үй бағдарламасы іске қосылады")
