Дайындап көріңіз!
Егер күркетауық етін пеште дайындайтын болсаңыз, тағамыңыз сулы әрі дәмді болып шығады. Пайдалы әрі тез әзірленетін асты әсіресе артық салмақпен күресіп жүрген нәзік жандарға ұсынамыз.
Қажетті қоспалар:
- 300 гр. күркетауық еті
- 100 гр. кәді
- 100 гр. қызанақ
- 1 дана пияз
- 1 тіс сарымсақ
- 1 ас қасық тауық етіне арналған дәмдеуіш
- 1 ас қасық зәйтүн майы
- Дәміне қарай тұз, бұрыш қосылады.
Дайындалу тәсілі:
- Ең алдымен пияздың қабығын аршып, текшелеп тураймыз. Сарымсақты да аршып, майдалап турау керек.
- Кәдіні дөңгелек қалыпта тураған дұрыс. Қызанақты ортасынан бөліп, сол қалпында ірілеп тураймыз.
- Күркетауық етін тазалап жуып, кепкен соң ірілеп турау керек. Ары қарай бәрі де оп-оңай.
- Барлық көкөністер мен күркетауық етін бір табаққа салып, дәмдеуішті, тұз бен бұрыш салып, барлығын жақсылап араластырамыз.
- Зәйтүн майын құйып, тағы бір араластырып жіберу керек.
- Дайын араласпаны табаға немесе арнайы формаға салып, бетін фольгамен жабамыз.
- Тағамды 160-170 градусқа қыздырылған пеште 30 минут пісіреміз.
- Піскен күркетауық етін майдалап туралған аскөкпен дастарханға ұсынамыз.
Дайындаған: Қ.Өмірзаққызы,
ТАҒЫ ДА ОҚЫҢЫЗ:
Күзде салмақ тастаудың амалы бар
