Ішке пресс жасаудың да түрлі әдісі бар

0
461
Қыз-келіншек біткен мүсінінің сымдай, келбетінің ажарлы болғанын қалайды. Әсіресе тұрмысқа шыққаннан кейінгі кезеңде олардың дене бітімі өзгеріп, іші шығып, бөксесі жайыла бастайды.

Ішке пресс жасаудың да түрлі әдісі бар

Қыз-келіншек біткен мүсінінің сымдай, келбетінің ажарлы болғанын қалайды. Әсіресе тұрмысқа шыққаннан кейінгі кезеңде олардың дене бітімі өзгеріп, іші шығып, бөксесі жайыла бастайды. Бұл әрине, табиғи құбылыс. Дегенмен, әйелдің тартымды болғаны өзіне де, үнемі қасында жүретін еріне де жақсы. Сондықтан да кінәні бала тууға итеріп қоя салмай қай кезде де мүсінге мән берген дұрыс. Бүгін біз сіздерге ішті тартудың түрлі әдістерін ұсынбақпыз. Мұны үйде отырып-ақ жасауға болады.

1 -жаттығу

Шалқалап жатып, аяқты бүгесіз. Сонан соң қолды желкеге қойып, басыңызды көтеру арқылы, тізеге жеткізуге тырысасыз. Бірақ та жаттығу барысында мойынның ауырып қалмауын қадағалау керек. Ал, арқа омыртқасы дөңгеленіп тұрғаны дұрыс.

Бұл жаттығуды дұрыс орындау үшін әрі мойын ауырып қалмасын десеңіз, тек алға қарап тұруыңыз керек. Сондай-ақ, тізенің ұшына қарауға да болады. Сөйтіп, иегіңізбен кішкентай допты қысып тұрғандай кейіпке енсеңіз, арқа омыртқаңыз өз-өзінен иіле бастаиды.

2-жаттығу

Бастапқы қалыпты өзгертпей, арқаңызбен жатасыз. Ал, сол қолды созып, оң қолмен желкеңізді қысып ұстайсыз. Осы қалыпта тұрып, оң қолдың шынтағымен сол аяқтың тізесіне тигізуге тырысқаныңыз жөн. Содан соң денені босаңсытып, бастапқы қалыпқа келу керек. Арада 30 секунд уақыт өткеннен кейін сол қолмен оң аяқты біріктіресіз. Жаттығуды бірнеше рет қайталауға болады.

Жаттығудың ең бірінші шарты - денені айналдыру болып табылады. Қолмен көмектесудің қажеті жоқ. Сонда ғана жаттығу дұрыс орындалады. Әйтпесе денеңізді зақымдап алуыңыз мүмкін.

3-жаттығу

Шалқаңыздан жатып, аяқты еденнен көтересіз де, кейіннен тізені бүгесіз. Осы қалыппен денені жоғары көтеруіңіз керек. Пресс жасаудың бұл әдісі өте тиімді жаттығулардың бірі.

4-жаттығу

Үшінші жаттығудағыдай қалыппен бастайсыз. Алайда бұл жаттығуда ішке престі айналдыру арқылы жасайды. Бірақ, бөксені қимылдатуға болмайды.

5-жаттығу

Аталмыш жаттығуды да еденге жатып істеуге тура келеді. Бастапқы қалып: шалқалап жатып, тізені бүгесіз. Аяқ бөксеге тиіп тұруы керек. Екі қолды біріктіріп, тізенің арасына түзу ұстайсыз. Содан соң осы қалыпта тұрып, серіппелі қимылмен алға қарай жылжисыз.

6-жаттығу

Шалқалап жатып, аяқты бүгіп ұстайсыз. Қолды бөксеге қою керек. Кейіннен аяқты жоғарыға қарай жұлқи көтересіз. Аяқтың ұшын белгілі бір нүктеге жеткізуге тырысқандай кейіпте болғаныңыз жөн.

Жаттығуды дұрыс жасау үшін, аяқты жоғары көтерген кезде 1-2 секунд болсын сол қалыпта тұруға тырысу керек. Сосын аяқты жай қимылмен жерге түсіресіз. Бұлпресс аяқты жоғары көтеріп тұруымен ерекшеленетінін естен шығармаңыз.

7-жаттығу

Арқаңызбен жатып, аяқты бүгесіз. Ал, қолыңызды желкеңізге қоясыз. Сөйтіп оң қолдың шынтағымен сол аяқтың тізесін түйістіруіңіз керек. Осылайша жаттығуды екі аяққа кезек-кезек жасап, бірнеше рет қайталауға болады.

8-жаттығу

Бастапқы қалыпты өзгертпей, қолыңызды ішіңізге қоясыз. Сонда сізге ішке қаншалықты күш түскені сезіледі. Бастапқы қалыптан айнымай, ішті айналдырып, жаттығуды әрі қарай жалғастырасыз. Міне, осылайша ішіңіздің тартылғанын да байқамай қаласыз.
Пікір қалдыруыңыз үшін сайтқа кіруіңіз қажет