Қайғылы оқиға бүгін сағат 08.44-де болған.
ERNUR.KZ. Ақмола облысында ғимараттардың бірінен өрт шығып, бір адам қаза тапты, деп жазады inbusiness.kz.
Төтенше жағдайлар министрлігінің хабарлауынша, қайғылы оқиға бүгін сағат 08.44-де болған.
"Целиноград ауданы Нұресіл ауылындағы аула ғимараттарында 250 шаршы метр алаңда өрт болды. Өрт сағат 10.00-де оқшауланды. Өрт орнында ер адамның денесі табылды", - делінген ТЖМ хабарламасында.
Қазіргі кезде өрттің шығу себебі анықталып жатыр.
"Оқиға орнына дереу Ақмола облысы ТЖД жеке құрамынан 8 құтқарушы және 2 техника және Астана қ. ТЖД жеке құрамынан 13 құтқарушы және 4 техника жөнелтілді. Өрт 13:00-де сөндірілді", - делінген хабарламада.
ТЖМ өкілдері нысандарда өрт қауіпсіздігі ережелерін сақтауды сұрайды.
