Алматы облысында 1 жыл бойы мектепке бармаған баланың ісі сотта қаралуда

иллюстрациялық фото: ашық дереккөзден

ERNUR.KZ. Биыл Алматы облысында 7-ші сынып оқушысы бір жыл бойы мектепке бармаған. Оқиға Кербұлақ ауданындағы Жоламан ауылында болды, - деп хабарлайды ҚазАқпарат.

Алматы облыстық білім басқармасының басшысы Дәурен Жүнісовтың айтуынша, қазір осы іс бойынша сот жүріп жатыр. Бірақ баланың ата-анасы сотқа келмеген. Ал оқушы толық емес отбасында тәрбиеленуде. Өзі бір үйдің жалғыз баласы екен.

«Баланың анасы баламды оқушылар ұрды деп арыз жазған. Бірақ ол расталмады. Барлық фактіні арнайы комиссия тексерген. Енді баланы ата-анасы мектепке жібермей отыр», - деді Алматы облыстық білім басқармасының басшысы Дәурен Жүнісов.

Бір жыл бойы білім алмаған оқушы жаңа оқу жылында 7-ші сыныпты қайта оқитын болады. Ал ата-анасына қандай шара қолданылатынын сот шешеді.