Бастапқыда күтуші баланы 3 жасар әпкесі тұншықтырып өлтірді деп мәлімдеген.
ERNUR.KZ. Әлеуметтік желілерде баласының өлімі жайлы айтқан Алматы облысындағы Жаңалық ауылының тұрғынының видеосы таралып жатыр, деп жазады ulysmedia.kz.
Қайғылы оқиғаға әйел балаларын тастап кеткен күтушіні кінәлайды.
"Мен балаларымды күтушіге қалдырдым, 25-і күні таңертең кішісін өлі күйі қайтарды. Бүгін, 6 сәуірде оны босатып жіберді. Неге оны жазаламайды? Заң қайда, әділеттілік қайда? Дәлел жеткіліксіз дейді, бала өліміне не дәлел керек?"- деп шағымданады әйел.
Бастапқыда күтуші баланы 3 жасар әпкесі тұншықтырып өлтірді деп мәлімдеген. Бірақ жүргізілген сараптамадан кейін іс ҚР ҚК-нің 99-бабына (кісі өлтіру) ауыстырылды.
Күні кеше қайтыс болған баланың ата-анасы күтушінің қамаудан босатылғанын естіген.
Полиция бұл жағдайға қатысты әлі түсініктеме берген жоқ.
