Жол апаты Талғар ауданында Панфилов ауылының маңында болған.
ERNUR.KZ. Алматы облысында жантүршігерлік жол апатынан 3 адам қаза тапты, деп жазады tengrinews.kz.
Жол апаты 10 ақпанда Талғар ауданында Панфилов ауылының маңында болған. Mercedes, Kia, Toyota және ГАЗ көліктері апатқа ұшыраған.
Бұл ақпаратты облыстық Полиция департаментінің баспасөз қызметінің өкілдері растады. ҚР Қылмыстық кодексінің 345-бабының 4-бөлігі (Абайсызда екi немесе одан да көп адамның өлiмiне әкеп соққан көлiк құралдарын басқаратын адамдардың жол жүрісі немесе көлiк құралдарын пайдалану қағидаларын бұзуы) бойынша соталды тергеу жүріп жатыр.
Апаттың видеосы әлеуметтік желілерде тарап жатыр. Оның кадрларынан бірнеше көліктің соқтығысып, жолда кептеліс пайда болғаны көрінеді. Видео авторы көліктердің бірінің мыжылып қалғанын айтады. Видеода былапыт сөз айтылады!
