Алдын ала мәлімет бойынша, 75-автобустың жүргізушісі қашықтықты сақтамау салдарынан аялдамада жолаушыларды отырғызып, түсіріп жатқан 102-автобуспен соқтығысқан.
ERNUR.KZ. Алматыда екі автобус соқтығысып, алты адам зардап шекті, деп жазады tengrinews.kz.
Оқиға 10 наурызда таңғы сағат тоғыздар шамасында болған. Полиция департаменті оқиғаны растады.
"Бұл жол-көлік оқиғасы таңғы сағат 9:00-де Алатау ауданында болған. Бекболат және Жаңа құрылыс көшелері қиылысында 75 және 102 бағытындағы екі автобус соқтығысқан. Алдын ала мәлімет бойынша, 75-автобустың жүргізушісі қашықтықты сақтамау салдарынан аялдамада жолаушыларды отырғызып, түсіріп жатқан 102-автобуспен соқтығысқан", - деп хабарлады полициядағылар.
