Ұрлықты қаладағы университеттердің бірінде оқитын 2 студент жасаған.
Алматыда қару-жарақ дүкен тонаған күдіктілер ұсталды, деп хабарлайды ERNUR.KZ. polisia.kz-ке сілтеме жасап.
Медеу аудандық полиция бөлімінің басшысы Еділхан Байғараев күдіктілер Алматы облысы Еңбекшіқазақ ауданында тұратынын атап өтті.
"Олар 20 жаста. Биыл 6 қаңтарға қараған түні күдіктілер қару-жарақ дүкенін тонауға қатысқан. Олар қару-жарақ, оқ-дәрі, арнайы техника және басқа да құрылғыларды ұрлаған. Күдіктілер кінәларын мойындап, қылмысты қалай жасағанын айтып берді. Олар қамауға алынды. Сотқа дейінгі тексеру жалғасып жатыр, – деді полиция бөлімінің басшысы.
Ол ұсталғандардың басқа қылмыстарға қатысы бар-жоғы тексеріліп жатқанын айтты.
