Мемлекеттік білім грантын иелендім деп мақтануға асықпау керек.
Мемлекеттік білім грантын иелендім деп мақтануға асықпаңыз. Себебі, студент атанған түлектерді әлі толық тексереді. Егерде тест тапсыру кезінде талапкер шпаргалка қараса, не оған біреу көмектессе, тіпті тыйым салынған құрылғыларды қолданса барлығы белгілі болады, деп хабарлайды ERNUR.KZ Еуразия бірінші арансына сілтеме жасап.
Өйткені, тест кезінде әр түлекті жеке бейнекамера түсіріп отырған. Білім және ғылым министрлігі мамыр айынан бері 40 баланың нәтижесін жойыпты. Бұл тексеру осы жылдың аяғына дейін жалғасады. Егер заңсыз жолмен грантқа ие болғандар анықталса, министрлік оларды гранттан айырып, оқудың ақшасын өндіріп қана қоймай, болашақта ақылы түрде де оқуға қабылдамауы мүмкін.
""Академиялық адалдық" принциптері бәріне бірдей болу керек. Биылғы жылы да біз бұл принципті жалғастырып жатырмыз. Және де бұл бізге, бұл өте оңай, өйткені әр баланың бізде видеосы бар. Ол қалай тапсырды, қай уақытта келді, қанша минут отырды, қай орында отырды барлығын қарап отырмыз. жылға дейін уақыт бар. Сол уақытта биылғы талапкерлердің видеосын қарап, егерде осындай жағдайлар болатын болса. Егер ол қазір грантты алып қойып, оқып жатса да, оның грантын жоюға бізде мүмкіндік бар", - дейді ҚР Білім және ғылым министрі Асхат Аймағамбетов.
