Жаңа жылдан бастап ЕТЖ – 36 мың теңге, АЕК – 3 мың 63 теңге болды.
ERNUR.KZ. 2022 жылғы 1 қаңтардан бастап Қазақстанда 6,7 млн адамның жалақысы өседі, деп жазады inbusiness.kz.
Министрлік мәліметінше, жаңа жылдан бастап ең төменгі жалақы (ЕТЖ) мен айлық есептік көрсеткіш (АЕК) мөлшерінің ұлғаюына байланысты зейнетақы мен жәрдемақы алатын 5,1 млн адамның және экономиканың барлық саласында жұмыс істейтін 1,6 млн тұрғынның жалақысы өседі.
2022 жылғы 1 қаңтардан бастап елде ең төменгі күнкөріс деңгейі мен айлық есептік көрсеткішті 5% деңгейінде индекстеу жоспарланып отыр. Нәтижесінде ең төменгі күнкөріс деңгейі 36 018 теңге, ал айлық есептік көрсеткіш (АЕК) 3 063 теңге болды. 2022 жылға арналған республикалық бюджетте мемлекеттің әлеуметтік міндеттемелерін орындауға 4 трлн теңге көзделген, оның ішінде зейнетақы мен барлық әлеуметтік жәрдемақыға 190,4 млрд теңге жоспарланған. Осылайша, 4,2 млн адамның табысы артады.
