1 сәуірдегі жағдай бойынша 1800-ге жуық борышкер қолдауға ие болды.
ERNUR.KZ. Елімізде ипотекалық борышкерлерді қолдау үшін 44 млрд 600 млн теңге бөлінді, деп жазады inbusiness.kz.
Дерекке сүйенсек, 1 сәуірдегі жағдай бойынша 1800-ге жуық борышкер қолдауға ие болды. Олардың қарызын қайта құрылымдау үшін 15 млрд 700 млн теңге жұмсалды. Бағдарлама 1 шілдеге дейін жалғасады. Жалпы осы алғанда, 8 мыңға жуық борышкердің қарызы қайта қаралады.
Айта кетейік, бұл шара - Ұлттық банктің ипотекалық борышкерлерді қолдау бағдарламасының үшінші кезеңіне жатады. Алғашқы кезеңінде жалғыз баспанасы банкке өтіп кеткен 28 мың адам қамтылды.
Ал, екінші кезеңде пәтерді валютамен алған азаматтардың қарызы қайта қаржыландырылды.
