Ішкі еңбек нарығын қорғау мақсатында министрлік жыл сайын республикаға шетел мамандарын тартуға квота белгілейді және бөледі.
ERNUR.KZ. Жергілікті атқарушы органдардың рұқсатымен Қазақстан аумағында 13 403 шетел азаматы жұмыс істейді, деп жазады sputnik.kz.
Шетел жұмыс күшін тартуға рұқсаттардың арасында мынадай санаттар бар: басшылар мен олардың орынбасарлары үшін 565 рұқсат (бірінші санат), құрылымдық бөлімшелердің басшылары үшін 2 966 рұқсат (екінші санат).
Шетелдік жұмыс күшінің негізгі бөлігі үшінші (мамандар) және төртінші (білікті жұмысшылар) санаттарға жатады – тиісінше олар 7 199 және 883 адам. Сондай-ақ маусымдық жұмыстарға 391 адам, ал корпоративтік ауыстыру аясында 1 399 адам тартылды.
"Қазіргі уақытта Қазақстанда шетелдік жұмыс күшін пайдаланатын 1 640 жұмыс беруші бар. Оларда 409 мыңнан астам Қазақстан азаматы жұмыс істейді, бұл қызметкерлердің жалпы санының 96%-і", - делінген хабарламада.
Экономикалық қызмет түрлері бойынша ең көп жұмыс істейтіндер:
құрылыс саласында – 5 494 адам (41%);
тау – кен өнеркәсібі және карьерлерді қазу – 1 455 адам (11%);
кәсіби, ғылыми және техникалық қызмет – 995 адам (8%);
өңдеу өнеркәсібі – 889 адам (7%);
ауыл, орман және балық шаруашылығы – 641 адам (5%).
Еңбек мигранттары негізінен Қытай – 3 411 адам, Үндістан – 1 685 адам, Түркия – 1 523 адам, Ұлыбритания – 1 073 адам, Өзбекстаннан – 769 адам келеді.
Ішкі еңбек нарығын қорғау мақсатында министрлік жыл сайын республикаға шетел мамандарын тартуға квота белгілейді және бөледі. Қазір квота 22 226 адамды (0,24%) құрайды.
