Қазақстанда өткен сенбі мен жексенбіде шомылып жүрген 20 адам көз жұмды.
Қазақстанда өткен сенбі мен жексенбіде шомылып жүрген 20 адам көз жұмды, деп мәлімдеді төтенше жағдайлар комитеті. Бұл туралы sputniknews.kz сайтына сілтеме жасап ERNUR.KZ хабарлайды.
Ведомствоның мәліметінше, қайғылы оқиға Шығыс Қазақстан (бес адам), Қызылорда (үш адам), Қарағанды (үш адам), Солтүстік Қазақстан (екі адам), Алматы (бір адам), Қостанай (бір адам), Ақмола (екі адам), Батыс Қазақстан (бір адам) облыстарында, Астана (бір адам) мен Алматы (бір адам) қалаларында болды, олардың барлығы рұқсат етілмеген орындарда шомылған.
Төтенше жағдайлар комитеті су қоймаларында қауіпсіздік ережелерін сақтау қажет екенін және рұқсат етілмеген жерлерде шомылуға болмайтынын тағы да ескертеді.
ТЖК атап өткендей, азаматтар көп жағдайда құтқарушылардың сөзіне құлақ аса бермейді.
Мысалы, Қостанайда құтқарушылар рейдтік шаралар кезінде шомылуға арналмаған жерде суға түспек болған азаматтарға ол жердің қауіпті екенін ескерткен. Бірақ ешкім тыңдамаған. Олар суға батып жатқанда ер адам құтқарып қалған, алайда өзі суға кетіп қалған.
