Жоба 2023 жылдың 18 тамызына дейін қоғамдық талқылауда болады.
ERNUR.KZ. Индустрия және инфрақұрылымдық даму министрлігі "Ұлттық режимнен босатуды белгілеудің кейбір мәселелері туралы" Үкімет қаулысының жобасын дайындады, деп жазады stan.kz.
Ұлттық режимнен босату – шетелдік әлеуетті өнім берушілердің жекелеген тауарларды (жұмыстарды, көрсетілетін қызметтерді) мемлекеттік сатып алуға қатысуға қол жеткізуін шектеу. Ол ішкі нарықты қорғау, ұлттық экономиканы дамыту, отандық тауар өндірушілерді қолдау мақсатында құрылған.
Жобада былай делінген:
"Мемлекеттік сатып алуды жүзеге асыру кезінде Қазақстан Республикасының аумағында өндірілмейтін тауарларды қоспағанда, осы қаулыға қосымшаға сәйкес тізбе бойынша шет мемлекеттерден шығарылатын тауарларды (бұдан әрі – тауарлар) ұлттық режимнен алып қою белгіленсін".
Тізімге A3 және A4 пішіміндегі жазу, басып шығару немесе басқа графикалық мақсаттар үшін пайдаланылатын қағаз кіреді.
Бұл ретте тауарларды, жұмыстар мен көрсетілетін қызметтерді отандық өндірушілер тізіліміндегі әлеуетті өнім беруші өндірген тауарлар Мемлекеттік сатып алуға қатысуға жіберіледі.
Құжат қабылданған жағдайда Мемлекеттік сатып алуды жүзеге асыру кезінде ұлттық режимнен ұсынылған алып қою 2 жыл бойы қолданыста болады
Түсіндірме хатта қаулы жобасы ішкі нарықты қорғау, ұлттық экономиканы дамыту, отандық тауар өндірушілерді қолдау және А3 және А4 форматындағы кеңсе қағаздарының өндірісін арттыру мақсатында әзірленгені айтылған. Нәтижесінде шығарылатын өнім көлемі ұлғайып, жаңа өндірістер ашылып, жұмыс істеп тұрғандары жаңғыртылып, қосымша жұмыс орындары ашылып, қаулы кезеңінде бюджетке салық түсімдері артады.
Жоба 2023 жылдың 18 тамызына дейін қоғамдық талқылауда болады.
