Құрылысты ұйымдастыру ережелері өзгертілді.
ERNUR.KZ. Қазақстанда құрылыс ұйымдастыру және құрылыс саласында рұқсат беру рәсімдерінен өту қағидаларына өзгерістер енгізілді. Енді нысандарды падалануға беру талаптарының бірі ретінде абаттандыру мен көгалдандыру енгізілді, деп жазады sputnik.kz.
"Енгізілген түзетулер бойынша бекітілген жобаға сәйкес құрылыс-монтаждау жұмыстары орындалған, нысанды инженерлік-коммуналдық қамтамасыз ету көздеріне қосылған, соынмен қатар нысанның құрылысына бөлінген аумақта абаттандыру және көгалдандыру жұмыстары жүргізілген нысандардың (кешендердің) жай-күйі ғана нысандардың (кешендердің) толық дайындығын білдіреді", - делінген хабарламада.
Ведомстводағылар көгалдандыру қоршаған ортаның экологиялық жағдайын, учаскенің сыртқы келбетін жақсартатынын, сонымен қатар үй тұрғындарының көңіл-күйіне жақсы әсер ететінін және эстетикалық құндылыққа ие екенін хабарлады.
