Төлқұжат күші бойынша елдер рейтингінде Қазақстан 97 елдің ішінде 53-ші орынға тұрақтады.
ERNUR.KZ. Қазақстан төлқұжат күші бойынша елдер рейтингінде 97 елдің ішінде 53-орынға тұрақтады. Рейтингке БҰҰ-ға мүше 193 ел мен 6 аумақ қатысты (бірнеше мемлекет бір аумаққа орналастырылған), деп жазады azattyq-ruhy.kz.
Finprom зерттеуінше, Қазақстанның индексі 91 болды (индекс неғұрлым жоғары болса, елдің төлқұжаты соғұрлым күшті болады).
«Қазақстандық төлқұжаты бар азаматтар 39 елге визасыз бара алады, сондай-ақ тағы 52 елге барған кезде виза ала алады. Ал 107 елде виза қажет болады», - дейді сарапшылар.
Әрбір төлқұжаттың жеке санатын анықтау үшін рейтинг сарапшылары үш деңгейлі әдісті қолданды:
- Жылдамдықты бағалау (MS) – визасыз режим (VF), келген кездегі виза (VOA), электронды рұқсат беру (eTA) және 3 күн ішінде берілген электронды визаны (eVisa) қамтиды.
- VOA қарсы VF ұпайлары.
- БҰҰ Даму бағдарламасының Адам әлеуетін дамыту индексі (қосымша критерий ретінде пайдаланылады).
Әлемдегі ең мықты төлқұжат БАӘ азаматтарында. Олар 125 елге визасыз бара алса, тағы 55 елде барған кезде виза ала алады, олардан тек 18 ел виза талап етеді.
Рейтингтің ортасында – 45-орында 101 индексі бар төлқұжаттармен Шығыс Тимор мен Бахрейн орналасқан.
ТМД елдерінің ішінде Қазақстан паспорты Украина, Ресей, Молдова және Беларусь паспорттарынан төмен; бұл ретте Армения, Әзербайжан, Қырғызстан, Өзбекстан, Тәжікстан және Түрікменстанның төлқұжаттарына қарағанда, біздің төлқұжатымыздың күші жоғары.
«Биылғы бірінші тоқсанда Қазақстанға 7,7 мың адам келген, бұл бір жыл бұрынғыдан 87 пайызға артық көрсеткіш. Оның ішінде ҚР қалаларына 5,5 мың адам келді, бұл өткен жылмен салыстырғанда бірден 2,2 есеге көп. Ал ауылдарға 2,2 мың адам келген, бір жыл бұрынғыдан 33,3 пайызға артық», - дейді мамандар.
Бұл ретте елден 2,7 мың адам кеткен, бұл бір жыл бұрынғы көрсеткіштен 49,6%-ға аз көрсеткіш. Соның ішінде қалалардан кеткендер саны бір жылда 53,6%-ға, яғни 2 мыңға азайған, ал ауылдарда 29%-ға, яғни 620 адамға азайды.
«Өңірлік тұрғыдан алғанда, келгендердің басым бөлігі Маңғыстау облысына орналасқан: 1,5 мың адам, бір жылғыдан 10,6% артық. Иммигранттар үшін танымал өңірлер қатарына Алматы (1,4 мың адам, жылдық өсім 2,3 есе) және Алматы облысы (791 адам, жылдық өсім 2 есе) болып отыр. Ең аз сұранысқа ие – Қызылорда облысы, бұл өңірге жыл басынан бері 4 адам келген», - делінген зерттеуде.
Халықтың басым бөлігі Қостанай облысынан кеткен: 488 адам, бір жыл бұрынғыдан 24,3%-ға аз. Одан кейін Қарағанды (263 зейнеткер, бір жылда 61,4% аз) және Солтүстік Қазақстан (253 адам, минус 39,9%) облыстары тұр. Ең азы Қызылорда облысынан, бір жыл бұрынғы 1-ге қарсы 6 адам ғана кеткен.
