Астанада көпқабатты үйдің терезесінен қоқыс лақтырған әйел адамға әкімшілік хаттама толтырылды
ERNUR.KZ. Астана тұрғындары көпқабатты үйдің терезесінен қоқыс лақтырған әйелдің әрекетіне наразылық білдіріп жатыр, - деп жазады Tengrinews.kz.
Куәгерлердің айтуынша, әйел адам қоқысты "Номад" тұрғын үй кешенінің 10-қабатынан лақтырған.
Астана қалалық ІІД баспасөз қызметінің мәліметінше, бұл жағдай 8 қыркүйекте болған.
"Жергілікті полиция қызметкерлері видеодағы әйелдің 54 жастағы екенін анықтады. Оған қатысты ҚР Әкімшілік құқық бұзушылық туралы кодекстің 434-бабы бойынша әкімшілік хаттама толтырылды. Материалдар сотқа жолданды", - деп хабарлады ведомство өкілдері.
