Қытайда COVID-19 жұқтырғандар санының күрт өсуі крематорийлердің толып кетуіне әкелген.
ERNUR.KZ. Қытай жастары демалысқа шығу үшін коронавирусты әдейі жұқтыра бастады, деп жазады stan.kz.
Шанхайдың 27 жастағы тұрғыны демалыс алдында ауырып қалу үшін арнайы вирус жұқтырғанын айтты.
"Мен жоспарларымды өзгерткім келмейді", – деді ол. Ер адам өзі ойлағаннан бетер қиналғанын айтты, бірақ қазір аурудың белгілері жойылған.
Тағы бір 26 жастағы Шанхай тұрғыны вирусты жұқтыру үшін коронавируспен ауыратын досының үйіне барған. "Мен бұл тұмау сияқты болады деп ойладым, бірақ одан әлдеқайда ауыр өтті", — деді ол.
Карантиндік шектеулер жойылғаннан кейін Қытада ауру саны күрт көбейді.
85 жастағы науқас ауруханаға жатқызылмады, өйткені ауруханада бос кереуеттер мен аппараттар қалмаған. Оның орнына қарт адам дәлізде тамшылатқышпен отыра алатыны айтылды. Бірақ ұлы әкесін басқа ауруханаға жатқызу үшін таныстарына жүгінген, бірақ ол кезде оның өкпе қабынуы асқынып кетті.
Ковидке қарсы дәрі-дәрмектерді табу да оңай емес: ВВС-нің тағы бір қыз Пакловид препаратын тек қара базардан сатып алып, бір пакетке 900 доллардан астам төлегенін айтты.
Қытайда COVID-19 жұқтырғандар санының күрт өсуі крематорийлердің толып кетуіне әкелген. ҚХР-да өлім-жітім қаңтар айында 9 мың адамнан 25 мыңға дейін өсуі мүмкін.
