2023 жылғы 11 қыркүйек күні таңертең Қызылорда облысы Шиелі кентінде орналасқан жеке тұрғын үйде екі бала газға уланып, қаза тапты.
ERNUR.KZ. Қызылорда облысында болған қайғылы оқиғаның себептерін анықтау үшінжан-жақты тексеру жұмыстары жүргізіледі, деп жазады zakon.kz.
2023 жылғы 11 қыркүйек күні таңертең Қызылорда облысы Шиелі кентінде екі бала қаза тапты. "ҚазТрансГаз Аймақ" АҚ хабарлауынша, алты және үш жастағы екі бала газға уланып қалған.
"Отбасы жеке үйден уақытша баспана жалдап тұрған. Үй иесінің айтуынша, газ плитасының шүмегі ашық болған. Апаттың мән-жайын анықтау үшін арнайы комиссия құрылады", – деп хабарлады "ҚазТрансГаз Аймақ" АҚ.
Компания өкілдері газды үйде пайдаланған кезде мына қауіпсіздік ережелерін сақтауға шақырды:
- газдың иісін сезсеңіз, дереу 104 нөміріне хабарласыңыз;
- балаларды газ құрылғыларынан алыс ұстаңыз;
- мұржаны жиі тексеріп отырыңыз;
- рұқсатсыз газ жабдығын қосуға немесе жылжытуға болмайды;
- газ жабдығын тек мамандар орнатуы керек;
- жылыту үшін газ плиталарын пайдалануға тыйым салынады;
- үйде жасалған пештерді өз бетіңізше орнатуға немесе пайдалануға тыйым салынады.
2023 жылғы 11 қыркүйек күні таңертең Қызылорда облысы Шиелі кентінде орналасқан жеке тұрғын үйде екі бала газға уланып, қаза тапты.
