Өрт салдарынан зауытта жинақталған 240 тоннаға жуық күрішке зақым келген.
ERNUR.KZ. Қызылорда облысында күріш өңдеу зауытының ғимараты жанып, 240 тонна өнімге зақым келді, деп жазады inform.kz.
Бүгін, 8 қаңтарда 14.01 минутта төтенше жағдайлар қызметіне Қармақшы ауданына қарасты Дүр Оңғар ауылындағы «Жаңажол» ЖШС күріш өңдеу зауытының ғимараты жанып жатқаны жөнінде хабарлама түсті.
«Өртті сөндіруге Қармақшы ауданы №10 өрт сөндіру бөлімінен 2 өрт сөндіру техникасы және 15 қызметкер жұмылдырылды. Сондай-ақ, оған өртті сөндіруге ерікті өртке қарсы қызметінен 20 қызметкер мен 3 техника күш-құралы ретінде жұмылдырылды», - деп мәлім етті Қызылорда облысы Төтенше жағдайлар департаменті Өрт сөндіру және авариялық-құтқару жұмыстары қызметінен.
«Өрт салдарынан зауытта жинақталған 240 тоннаға жуық күрішке зақым келген.
Өрт сағат 15.14-те оқшауланып, 15.30-да толық жойылды. Қаза болғандар және зардап шеккендер жоқ.
Өрттің болжамды шығу себебі -электр сымдарының қысқа тұйықталуы. Қазіргі таңда оқиға орнында Төтенше жағдайлар департаменті Өрт зертханасы және анықтау бөлімінің мамандары өрттің нақты шығу себебі мен шығынын есептеуде», - деп толықтырды мамандар.
