Елорда әуежайының баспасөз қызметі әуе кемесінің ауыстырылатынын хабарлады.
ERNUR.KZ. Сәрсенбі күндіз Нұр-Сұлтаннан Алматыға ұшып шыққан ұшақ техникалық себептерге байланысты елорда әуежайына қайта оралды, деп жазады Sputnik Қазақстан.
"КС7056 рейсі Нұр-Сұлтан әуежайынан 14:34-те ұшып шықты. Біраз уақыттан соң әуе кемесі техникалық себептерге байланысты әуежайға қайта оралды", - деді елордалық әуежайдың баспасөз қызметіндегілер.
Әуежайдың ақпаратынша, әуе кемесі ауыстырылады. Рейстің ұшуы сағат 23:40-қа дейін шегерілді.
КС7056 рейсін FlyArystan әуе компаниясы орындаған.
